Silent-ஆ WhatsApp-க்கு வந்த View Once அம்சம்; இனி Block செஞ்சாலும் Photo போகும்!

 வாட்ஸ்அப் நிறுவனம் ‘வியூ ஒன்ஸ்' (View Once) எனப்படும் ஒரு புதிய அம்சத்தை அதன் பீட்டா பயனர்களுக்காக இன்று முதல் வெளியிடத்தொடங்கி உள்ளது.

வாட்ஸ்அப்பில் மிகவும் எதிர்பார்க்கப்படும் அம்சங்களில் ஒன்றான வியூ ஒன்ஸ் ஆனது வாட்ஸ்அப் வழியாக பகிரப்படும் புகைப்படங்கள் மற்றும் வீடியோக்களை ‘ஒருமுறை மட்டுமே காண' அனுமதிக்கும் மேம்பட்ட தனியுரிமையை பயனர்களுக்கு வழங்கும்.

அதாவது இதன் பெயர் குறிப்பிடுவது போல, இந்த பயன்முறையைப் பயன்படுத்தி அனுப்பப்பட்ட புகைப்படங்கள் மற்றும் வீடியோக்களை பெருநரால் ஒரு முறை மட்டுமே பார்க்க முடியும். அதன் பிறகு, அவை தானாகவே பெறுநரின் சாட்டில் இருந்து நீக்கப்படும்.

வாட்ஸ்அப் வியூ ஒன்ஸ் அம்சத்தினை பயன்படுத்துவது எப்படி?

வாட்ஸ்அப் வியூ ஒன்ஸ் அம்சத்தைப் பயன்படுத்த, முதலில் கேலரியில் இருந்து ஒரு புகைப்படத்தை சாட்டில் அப்லோட் செய்யவும். பின்னர், சாட் இன்புட் பாக்ஸின் வலதுபுறத்தில் உள்ள வட்டத்தில் உள்ள ‘1’ ஐக் கிளிக் செய்யவும்.

நீங்கள் அதைக் கிளிக் செய்தவுடன், இந்த அம்சம் எவ்வாறு செயல்படுகிறது என்பதை வாட்ஸ்அப் விவரிக்கும்.

இந்த பயன்முறையைப் பயன்படுத்தி நீங்கள் அனுப்பும் புகைப்படம் அல்லது வீடியோவை சாட்டில் நீங்கள் மீண்டும் பார்க்க முடியாது.

அதற்கு பதிலாக, சாட்டில் ஒரு ஐகான் இருக்கும், அது சாட் இன்புட் பாக்ஸிலும் தோன்றும.

நீங்கள் அனுப்பிய மீடியாவை பெறும் பெறுநர் நீங்கள் அனுப்பிய புகைப்படம் அல்லது வீடியோவைத் திறந்ததும், உங்களுக்கு அறிவிக்கப்படும், பின்னர் மெசேஜின் டெஸ்ட் 'Opened' என்று மாற்றப்படும்.

நீங்கள் Read Receipts-ஐ முடக்கியிருந்தாலும் நீங்கள் புகைப்படத்தைத் திறந்துவிட்டீர்கள் என்று அனுப்புநருக்கு அறிவிக்கப்படும்.

மேலும், நீங்கள் பிளாக் செய்த ஒரு காண்டாக்ட் இருக்கும் க்ரூப்பில் இந்த அம்சத்தினை பயன்படுத்தி அனுப்பப்படும் புகைப்படம் அல்லது வீடியோவை, பிளாக் செய்யப்பட்டவர்களாலும் பார்க்க முடியும் என்பதும் இங்கே குறிப்பிடத்தக்கது.

நீங்கள் வியூ ஒன்ஸ் வழியிலான புகைப்படம் மற்றும் வீடியோக்களை அனுப்ப விரும்பும் நபர் லேட்டஸ்ட் பீட்டா வெர்ஸனில் இல்லாவிட்டாலும், அதாவது அவர்களின் வாட்ஸ்அப்பில் ‘வியூ ஒன்ஸ்’ அம்சம் இல்லாவிட்டாலும் இந்த அம்சம் செயல்படும்.

‘வியூ ஒன்ஸ்’ என்பதைப் பயன்படுத்தி நீங்கள் அனுப்பிய படத்தின் ஸ்கிரீன் ஷாட்டை பெறுநர் எடுக்கலாம். அந்த நபர் ஸ்கிரீன் ஷாட்டை எடுத்திருந்தால் வாட்ஸ்அப் அதைப்பற்றி உங்களுக்கு அறிவிக்காது, ஏனெனில் இந்த அம்சத்தில் ஸ்க்ரீன்ஷாட் சார்ந்த Notifier கிடையாது.